Prokuroria e Përgjithshme ka miratuar fletën e votimit për anëtarët prokurorë në Këshillin e Lartë të Prokurorisë.
Kandidatët nga Prokuroria e Përgjithshme është vetëm një, i cili është Sokol Stojani. Një kandidat është edhe nga prokuroritë pranë gjykatave të Apeleve, i cili është Ludovik Dodaj. Ndërsa nga prokuroritë e gjykatave të Shkallës së Parë janë tre, që janë Deniona Katro nga Prokuroria pranë Gjykatës së Shkallës së Parë të Tiranës, Elona Alvaro nga Prokuroria pranë Gjykatës së Shkallës së Parë Vlorë dhe Zeqir Hoda nga Prokuroria pranë Gjykatës së Shkallës së Parë të Tiranës.
Nga kandidatët vetëm dy do të përzgjidhen anëtarë të Këshillit të Lartë të Prokurorisë, aq sa është shpallur vakanca nga ana e Kuvendit që në korrik të këtij viti.
