Zgjedhjet për kryetar dege në PD, ja kush e mori Devollin

Ka përfunduar procesi zgjedhor i mbajtur nga Komisioni i Rithemelimit në degën e Devollit. Kryetari i ri i degës së Partisë Demokratike në Devoll është shpallur Elvis Hajdërlli me 60.7 % të votave.

Ndërkaq në Mirditë garën e ka fituar Albert Melyshi. Komisioni i Organizimit dhe Kontrollit të Operacioneve Elektorale të Partisë Demokratike njofton se pas numërimit të fletëve të votimit, Kryetar i PD Peqin është shpallur Mustafa Pashja me 50.6 % të votave.

Ndërkaq kujtojmë që procesi i zgjedhjeve në Malësinë e Madhe është ndërprerë. Mësohet se shkak për ndërprerjen e procesit zgjedhor është bërë një incident ku kutia e votimit është thyer.