Koalicioni Bashkë Fitojmë me anë të një kërkese drejtuar KAS në KQZ kërkon që në Kuçovë të rinumërohen votat.
Bashkë Fitojmë pretendon për një sërë parregullsish në procesin zgjedhor. Kandidati i BF Lefter Maliqi më herët ka deklaruar se zgjedhjet në Kuçovë janë vjedhur.
“Në bashkinë Kuçovë është rrëmbyer mandati i qytetarëve të Kuçovës nga narko shteti në bashkëpunim me oligarkun Pëllumb Salillari. Nuk është ai rezultati, jam fitues mbi dy kandidatët aleatë të Alibejat dhe rilindjes. Në Kuçovë ka ndodhur një krim shtetëror dhe sot isha ë SPAK ku pavarësisht se dosja e mbyll me postë zyrtare edhe ata zyrtarë të BKH shpallën habi për faktet.
Zanafilla fillon që më nisjen e fushatës sepse sot Çuçi do të dorëzonte portofolin e ministrit dhe oligarku do të merrte goditjen nga Rama pasi i ka dhënë sigurinë.
Në momentin që është shpallur emri i rilindjes i kam shkuar në zyrë oligarkut dhe i kam thënë se ti je kandidati pasi po e ndihmon duke hedhur asfalt mbi asfalt.
Në këtë ,moment ai më është përgjigjur se ti merr 1 mijë vota ndërsa u jam përgjigjur se unë do të ju mund ju dhe rilindjen së bashku. Unë mbrojta shtabin tim elektoral natën e ditën pasi sulmohen nga policia që në fakt duhet të mbronin zgjedhjet. Kjo ndodhte pasi në orët e vona të natës fikeshin dritat sepse duhej krijuar terreni për njerëzit e PS për të shpërndarë lekët. Polica në të gjithë strukturat e saj na është përgjigjur se jemi të detyruar të veprojmë në këtë mënyrë dhe nuk kemi çfarë të bëjmë.
Salillari shpërndante çakull me makinën e tij për interesat e kandidatit të ps, ai ka rrahur qytetarët pasi ka marrë një tender korruptim mbi 4 milionë euro në një zonë të mbrojtur ku nuk lejohet të bash asnjë veprim”, kishte denoncuar kandidati i BF, Lefter Maliqi.
Discussion about this post