Një sukses e cilësoi procesin zgjedhor kreu i Komisionit Qendror të Zgjedhjeve, Ilirjan Celibashi, kur u pyet nga mediat, por rikonfirmoi se vetë dështoi disa herë të votonte për shkak të problemeve me pajisjet e identifikimit elektronik dhe kjo nuk ishte një ogur i mbarë për procesin zgjedhor.
Gazetarët e medias shqiptare “Syri Tv” në Tiranë dhe rrethe denoncuan me fakte dhe pamje filmike shkeljet e procesit zgjedhor në të gjithë vendin. Mosfunksionimi i pajisjeve të sistemit të identifikimi biometrik solli kaos në qendrat e votimit, duke shkaktuar vonesa dhe identifikimi u vendos të bëhej manualisht në shumicën prej qendrave ndonëse miliona euro u hodhën nga taksat e shqiptarëve për këtë sistem.
Ndërkohë në Elbasan ku votimi ishte elektronik janë regjistruar anomali që kanë vënë në pikëpyetje të gjithë procesin. Një nga komisionerët e një qendre numërimi denoncoi në këtë televizion se gjatë kohës që ai kishte votuar vetë në një nga pajisjet, pasi kishte përzgjedhur votimin për kandidatin Luçiano Boçi dhe e kishte konfirmuar për të votuar, vota kishte shkuar për emrin e kandidatit e PS Gledian Llatja.
Në Elbasan një Komisioner i Partisë Socialiste mbante shënim numrat e kartës së identitetit të votuesve dhe i nxirrte jashtë qendrës, deri sa u pikas dhe u denoncim nga koleget.
Në Bashkinë e Divjakës është zbuluar manipulimi i votave i njohur botërisht si sistemi “Karusel” apo “Treni Bullgar”. Sipas kësaj metode, një prej votuesve, futet me fletë të falsifikuar në dhomën e fshehtë të votimit dhe pasi ndërron fletën, fletën e votimit të falsifikuar e hedh në kuti dhe nxjerr jashtë Qendrës së Votimit, fletën e saktë të votimit që mori nga Komisioni, e cila më pas përdoret në formë zinxhiri nga të gjithë votuesit e paguar.
Një ndër skandalet që zbërtheu Syri Televizion ishte uzurpimi i qendrave të votimit nga Drejtorët e Administratës, vendore e lokale, ku në shkelje të ligjit në afërsi të qendrave të votimit orientonin votuesit së kë duhet të votonin. Në qendrën e votimit në shkollën, “Kongresi i Manastirit” në Tiranë, drejtorët e Bashkisë, kërcënuan dhe gazetaren e Syri Tv, Elona Jaçellari, e cila u detyrua të informojë policinë.
Pas këtij denoncimi të Syri Tv me qindra qytetarë nga mbarë vendi denoncuan pranë medies sonë rastet e dyndjes së zyrtarëve në qendrat e votimit, madje duke denoncuar edhe me emra konkret siç ishte rasti i Bruna Salajt, që u shpreh se kërcënua nga Zhaneta Beqiri, drejtoreshe e kopshteve në Bashki.
Krerët e degëve të PS dhe eksponentëve të njohur për blerjen e votës që orientonin votuesit ishin një fenomen prezent kudo.
Qytetarët kudo denoncuan zyrtarët e administratës që tentonin të orientonin votuesit video.
Manushaqe Leshi, nën kryetare Komisionit në qendrën e votimit në shkollën Kongresi i Manastiri, u kap duke fshehur fletët dhe pas denoncimit të Syri Tv u vendos shkarkimi i saj.
Florian Pullazi kreu i Njësisë Administrative numër 2 në Tiranë orientonte votuesit brenda Qendrës së Votimit.
Në Kamëz, një prej drejtuesve të bashkisë, Eralda Cerpia së bashku me stafin e saj ka qëndruar gjatë gjithë kohës tek qendra e votimit pranë Shkollës “Ibrahim Rugova”.
Gazetarin e Syri Tv Fatjon Gjinajn tentuan të mos e lejonin të raportonte në Qendrën e Votimit në Kamës.
Në Zall Herr u ndërpre votimit për shkak të mësymjes së administratës në Qendrën e Votimit dhe vetëm ardhja e policisë riktheu normalitetin.
Albano Stolaj komisioner në Qendrën e Votimit në shkollën “Vasil Shanto”, denoncoi abuzimet në proces.
Kritike ishte situate në Durrës, ku në qendrën e votimit në Spitallë, zyrtarë të Administratës, qëndronin në Qendrën e Votimit. Ky skandal u denoncua nga Oerd Bylykbashi dhe Ivi Kaso, teksa vetëm ndërhyrja e policisë 2 orë para mbylljes së votimit qetësoi situatën.
Në Velipojë të Shkodrës u bllokua Qendra e Votimit nga eksponentë të Partisë Socialitë, të cilët aplikuan votimin kolektiv në kuadër të projektit për tjetërsimin e votës.
Në tjetër Skandal ishte edhe shpërndarja e legalizimeve nga Kadastra e Sarandës filiali Ksamil pikërisht ditën e votimeve, teksa qytetarët sollën edhe pamjet në Syri Televizion.
Në shkelje të hapur të ligjit, banderolat e Partisë Socialiste ishin vendosur pranë qendrave të votimit, si në rastin pranë shkollës “Harry Fultz”, dhe ato u larguan vetëm pas insistimit të Syri Tv.
Banderolat e Ramës nuk ishin prezente edhe në shumë qendra votimi në mbarë vendin
Gazetarë dhe qytetarë denoncuan fshirjen e bojës së gishtit që ishte si shënjues që tregonte së kishe kryer procesin e votimit.
Në Vlorë, zv/ministrja e Mjedisit, Vilma Bello, u denoncua nga qytetarët se qendronte pranë Qendrave të Votimit me lista votuesish në dorë.
Në Berat, kunati i kryetares së PS u filmua duke biseduar me një zyrtar të Policisë Bashkiake për të sjellë votues në Qendrën e Votimit.
Edhe në Kuçovë një prej drejtoreshave të mjedisit, Migena Doko, u denoncua nga qytetarët për ndërhyrjet në proces
Ndaj përfaqësuesve të opozitës nuk u kursye as dhuna siç ishte rasti i dhunimit të komisionerëve në Krujë dhe në Kurbin./Syri.net
Discussion about this post