Pas mbledhjes së grupit parlamentar, Enkelejd Alibeaj ka deklaruar se anëtarët e komisioneve për Territorialen dhe Zgjedhoren janë zgjedhur në bazë të eksperiencës dhe njohurive në këto fusha.
Alibeaj u shpreh se në vendim kanë është shënuar se dhe aleatët kanë postet e tyre, ndërsa tha se qëllimi është që të çohen para ndjeshmëritë e publikut.
“S’ka kurrfarë lidhje apo ideje të këtyre ndasive. Bazohet te profesionalizmi, njohja që kanë me lëndën përkatëse. Janë emra që kanë përvojë dhe aftësi. Ne e dimë që jemi opozitë. E rrjedhur madje. Me këto mandate që kemi. Për të ruajtur fytyrën ne i ikim betejave ose bëjmë betejë. Ne do bëjnë betejë për këto dy komisione për reformën territoriale dhe zgjedhore. Ne vendimin e krijimit të komisioneve territoriale apo zgjedhore në vendim është shënuar se aleatët kanë postet e tyre. Një palë që bazohet në skenarë, ka qëllim të fusë helm brenda opozitës, po e dimë këtë punë. Qëllimi ynë është të çojmë para ndjeshmëritë e publikut. Bylykbashi për funksionet që ka pasur është si të thuash një lloj eksperience, magazine e asaj që ka ndodhur jo vetëm në këto vite dhe shumë më tepër sesa kaq”, tha Alibeaj.
Discussion about this post