U hodh sot në Presidencë shorti për anëtarët e rinj të Këshillit të Emërimeve në Drejtësi për vitin 2024.
Goglat përzgjodhën Sokol Ngresin anëtar, njëkohësisht kryetar të KED për vitin 2024, ndërsa Dariel Sina anëtar zëvendësues në KED, përfaqësues nga Gjykata e Lartë.
Sonila Bejtja dhe Elsa Toska do të jenë gjithashtu anëtare të KED nga lista e gjyqtarëve nga Gjykata Kushtetuese. Ndërsa Marjana Semini, anëtare zëvendësuese nga gjykata kushtetuese në KED. Emrat u përzgjodhën përmes shortit me gogla të zhvilluar në Presidencë, ndërsa në garë ishin 9 gjyqtarë të Kushtetueses.
Në garën mes 8 prokurorëve kandidatë nga Prokuroria e Përgjithshme për një vend anëtar në KED, goglat përzgjodhën prokuroren Alma Muça. Anëtare zëvendësue nga lista e prokurorisë së përgjithshme në KED do të jetë Arqilea Koxha.
Nga 41 kandidatë nga Gjykatat e Apelit Irena Brahimi dhe Altina Nasufi do të jetë përfaqësuese në KED, ndërsa anëtar zëvendësues do të jetë Ilirjana Olldashi.
Prokurorët Lazer Çardaku dhe Genti Xholi, do të jenë anëtar të KED për 2024, si përfaqësues të Prokurosisë së Apelit të Juridiksionit të Përgjithshëm, anëtar zëvendësues do të jetë Irma Balli.
Ramiz Lala përfaqësues i gjykatës Administrative, do të jetë anëtar i KED, ndërsa anëtar zëvendësues do të jetë Besart Kackini.
Discussion about this post