Filmi nga Kosova “Zgjoi” po pret të fitojë nominimin për çmimin Oscar, pasi është në listë të ngushtë të filmave ndërkombëtarë. Emrat e filmave të nominuar pritet të bëhen të ditur më 8 shkurt. Lidhur me ecuritë e filmit konkurrues për Oscar, producenti i filmit, Ylli Uka, tha gjatë një interviste televizive se filmi ka zanafillën para 10 viteve, ndërsa u deshën 7 vite të tjera për të realizuar si film.
“E gjithë kjo lindi para 10 vitesh, kur regjisorja Blerta Basholli, erdhi me këtë skenar për jetën e znj. Fahrije Hoti, dhe më pas gjithçka filloi si producent, meqë jemi si njëra prej shtëpive filmike Ikonë, që prodhon filmin. Na u deshën 6-7 vite për të realizuar filmin në fjalë. Filmi trajton një subjekt që rezonon aktualitetin në botë, pozitën e femrës në shoqëri dhe sjell një histori të vërtetë, atë të Fahrije Hotit pas luftës së vitit 1999 në Kosovë”, tha ai. Për producentin Uka, filmi, përçon mesazhin se shpirti luftarak i femrës, arrin të triumfojë në çdo pozitë të vështirë dhe jo vetëm në meset shqiptare por edhe në botë.
Discussion about this post