Telashe të reja mund të vijnë nga Hong Kongu për presidentin e Inter Milano, Steven Zhang.
China Construction Bank dhe gjashtë kreditorë të tjerë duan të rikuperojnë 255 milionë dollarët e huazuara te presidenti i Interit dhe për ta bërë këtë synojnë edhe asetet e tij italiane, ku përfshihet edhe klubi zikaltër.
Sipas “Milano e Finanza”, kreditorët kinezë janë gati të bëjnë një kërkesë për njohjen në Itali të dënimit të gjykatës së Hong Kongut në padinë e ngritur për të rikuperuar rreth 250 milionë euro dhe një obligacion që Zhang kishte garantuar personalisht.
Seanca dëgjimore në Milano ishte caktuar për 8 mars, por u shty për 19 prill.
Në total janë shtatë institucione bankare kineze që kanë dhënë kredi drejt Steven Zhang, mbi të gjitha China Construction Bank.
Nëse vendimi i Hong Kongut do të zbatohej edhe në Itali, kreditorët do të kishin të drejtë të merrnin në dorë të gjitha asetet italiane që i atribuohen Zhang, përfshirë Interin, për të rikuperuar paratë e tyre.
Discussion about this post