Trupat e tre turistëve të zhdukur prej disa ditësh janë gjendur së fundmi në një pus në veriperëndim të Meksikës. Raportohet se ata janë qëlluar për vdekje me armë zjarri në kokë.
Vëllezërit australianë Jake dhe Callum Robinson, 30 dhe 33 vjeç, dhe shoku i tyre amerikan Jack Carter Rhoad, 30 vjeç, u zhdukën më 27 prill ndërsa shkuar për të bër surfing në Ensenada.
Të afërmit e tre viktimave identifikuan trupat e tyre të dielën pasi udhëtuan në Meksikë për të ndihmuar autoritetet. Sipas zyrtarëve, të rinjtë dyshohet se u vranë nga disa grabitës që donin t’i vidhnin mjetin e tyre, por ata rezistuan, tha prokurorja e shtetit të Baja California, Maria Andrade.
Trupat e tyre u gjetën në një pus të thellë 4 m rreth 6 km nga vendi i sulmit në qytetin e Santo Tomas të premten. Aty pranë u gjetën tenda të braktisura, një kamionçinë e bardhë e djegur dhe një telefon që i përket një prej viktimave.
Një trup i katërt u gjet në pus, por qëndronte aty prej një kohe më të gjatë dhe nuk kishte lidhje me rastin, thanë zyrtarët.
Dy burra dhe një grua janë arrestuar nën dyshimin për përfshirje direkte ose indirekte në sulm. Baja California është një nga shtetet më të dhunshme të Meksikës për shkak të bandave lokale të drogës.
Discussion about this post