Një 43 vjeçare nga Tirana së bashku me tre fëmijët e mitur është zhdukur pa lënë gjurmë prej disa ditësh. Ka qenë bashkëshorti i saj, shtetasi me iniciale E. Z., 48 vjeç, i cili ka bërë denoncim në polici, duke thënë se është në merak për tre fëmijët e mitur.
48-vjeçari ka deklaruar në polici se bashkëshortja e tij 43- vjeçe është larguar që prej ditës së djeshme nga shtëpia dhe nuk ka kontaktuar më me të. Sipas tij, ajo ka ndërprerë kontaktet edhe më familjarët e saj dhe nuk dihet se ku ndodhet. 48- vjeçari ka treguar se ajo ka dalë nga shtëpia me justifikimin se do të shkonte për në Pazar por nuk është kthyer më dhe askush nuk e ka parë që nga dita e djeshme.
Sakaq, policia po vazhdon hetimet për të zbardhur ngjarjen dhe për të rënë në gjurmët e gruas dhe tre fëmijëve të mitur.
Discussion about this post