Një turist është zhdukur prej rreth dy javësh në Alpet shqiptare. Bëhet fjalë për shtetasin australian David Cameron.
Sipas “Shërbimit të Kërkimit – Shpëtimi Malor i Shqipërisë”, ai është parë për herë të fundit më 13 tetor, ku ishte nisur drejt Thethit dhe do të kthehej sërish në Shkodër, në hostelin ku qëndronte në të cilin gjenden ende rrobat dhe dokumentet e tij.
Turisti australian është i treti i zhdukur në Shqipëri në pak kohë, pas një belgu dhe një lituanezi, të cilët kanë humbur gjurmët prej disa muajsh dhe pavarësisht kërkimeve të shumta, ata nuk u gjendën.
Shërbimi i Kërkimit – Shpëtimi Malor i Shqipërisë u bën apel qytetarëve që të lajmërojnë autoritetet nëse e shohin apo kanë patur kontakt me turistin e zhdukur.
Njoftim i rëndësishëm !
I riu në foto quhet David Cameron, shtetas Australian dhe ka humbur kontaktet që nga data 13 tetor 2024 rreth ores 8 te mengjesit ku është nisur drejt Thethit, hera e fundit qe eshtë pare është Lugu i Valit Valbonë, vendi ku ndahet shtegu per në majen e Jezerces dhe shtegun qe të dergon per ne Theth, nga kjo pikë ka filluar i vetem udhetimin per ne Theth.
Plani i tij ka qene per te vizituar Thethin dhe per tu kthyer perseri ne Shkoder në hostelin ku qëndronte në të cilin gjenden rrobat dhe dekumentat e tij.
Ju lutemi nëse dikush e ka pare apo ka patur kontakt me te ta lajmeroj autoritetet përkatëse.
Discussion about this post