Skuadra e Lacios nuk ka shkuar më shumë se barazimi pa gola në shtëpi ndaj Marsejës, sfidë e vlefshme për fazën e grupeve të Europa League. Ciro Imobile pati shumë raste shënimi por nuk ia doli të konkretizonte në gol duke humbur shanse të arta.
Humbje të rëndë pësoi skuadra e Totenhamit 0-1 ndaj Vitese në Konferencë Ligë. Një zhgënjim i madh në radhët e londinezëve të cilët ishin favorit absolut në këtë ndeshje.
Humbje të thellë dhe shumë turpëruese arriti Roma ndaj skuadrës së Bodo/Glimt që militon në kampionatin norvegjez. Verdhekuqtë u shpërfytyruan me shifrat 6-1 ndaj një skuadër modeste. Humbje turpëruese për italianët që nuk po kalojnë një moment aspak të mirë.
