Ish-deputeti i Partisë Demokratike, Aldo Bumçi, ka deklaruar ditën e sotme se është i turpshme fakti që, Kryeministri Edi Rama kërkon që të fajësojë BE dhe vendet anëtare për mos hapjen e negociatave për 8 vite. Sipas Bumçit, me deklaratat dhe sjelljen e tij, Rama po nxit urrejtje ndaj BE.
“Gjuhë e njohur që Kryeministrit që kërkon të fajësojë BE, vendet anëtare, pse nuk janë hapur negociata për tetë vite. Jemi në një periudhë jot ë re. As Nano, as Berisha, Majko dhe Meta nuk kanë pasur asnjëherë këtë gjuhë ndaj BE. Rama është kryeministri i parë shqiptar që ka përdorur një gjuhë të ashpër, që nuk i përket shqiptarëve. Gjuha që përdor Rama është kërcënuese ndaj BE, dhe duke nxitur ndjenja anti-europiane. Rama e vë ‘topin’ te ata dhe asnjëherë tek vetja”, tha ai.
Bumçi shkoi edhe më tej, duke thënë se Rama ka përdorur edhe Kosovën për qëllimet e tij dashakeqëse. Bumçi shprehet se Shqipëria ka pasur një mbështetje të jashtëzakonshme, por sipas tij e përktheu gjuhën e evropianëve në një periudhë ku vendi ynë nuk bëri asnjë hap para drejt BE.
“Shqipëria ka pasur një mbështetje të jashtëzakonshme. Raportet e KE i thonë të vërtetat por kanë qenë shumë dashamirëse për të nxitur hapjen e negociatave. Kanë mbyllur dhe ndonjëherë sytë për fakte shumë të dukshme. Ca vende anëtare i kanë thënë si mundet që ju prodhoni një raport kur s’ka asnjë problem. Ne kemi problem të dukshme, s’kemi Gjykata. Komisioni ka arritur deri aty sa ti zbusë problemet. Merkel filloi procesin e ‘Berlinit’ që të motivonte vendet. Çfarë bëri Rama? Këtë dashamirësi të europianëve, e përktheu në një periudhë kur ne nuk bëmë asnjë hap përpara”, u shpreh ai.
Ai tha se kriteret që duhet të përmbushte Shqipëria kanë qenë të lehta, por që nuk u bë asnjë iniciativë për plotësimin e tyre.
