Rikthimi i Karim Benzema tek kombëtarja e Francës ka dhënë një impakt të jashtëzakonshëm teksa ka rezultuar shpesh herë vendimtar për kampionët e Botës në fuqi. Oliver Zhiru ka folur pikërisht për sulmuesin e Real Madrid dhe rëndësinë e tij për skuadrën si dhe zbulon prapaskenat e sherrit me Mbappe.
“Kthimin e tij e kam mësuar ashtu si e gjithë pjesa tjetër e botës, kur u bë publike lista e trajnerit. Do të më kishte pëlqyer që të më kishin paralajmëruar, ndoshta nga ndonjë drejtues. Rikthimi i tij ka krijuar çekuilibrim taktik në nivel skuadre dhe në mënyrën tonë për të luajtur. Unë e them hapur dhe pa patur asgjë kundër Karim. Ky është një proces që nuk mund të kryhet nga dita në ditë.
Përplasja me Mbape pas dy golave kundër Bullgarisë? Jemi sqaruar shumë shpejt në të njëjtën natë me Kilian, në dhomën e tij. Situata zgjati 48 orë e pastaj e lamë pas krahëve”, tregoi Zhiru.
Discussion about this post