Deputetja e Partisë Demokratike, Ina Zhupa kërkon që të merret masë ndaj ministres Elisa Spiropali. Gjatë seancës së sotme plenare, ministrja përmendi deputetin e përjashtuar. Zhupa deklaroi se ajo që tha ministrja ishte fyese, ndaj kërkon që të merret masë. Po ashtu ajo kërkon masë edhe për Baftjar Zeqajn që hedh firmë për veten dhe kolegët.
“Kërkoj masë për Baftjar Zeqajn që firmos me 2 duar dhe për Elisa Spiropalin që ka fyer rëndë Edmond Spahon, ka thyer kodin etik. Kryetari juaj i grupit del e paralajmëron se e di cfarë do të ndodhë më 3 mars. Kush është ai që di vendimet e drejtësisë?” – tha Zhupa.
Sot në Kuvend, ministrja e Shtetit për Marrëdhënie me Parlamentin Elisa Spiropali nuk i kurseu ironitë për deputetin e PD-së, Edmond Spahon. Ajo tha:
“Së pari një 1 minutë heshtje për Edmond Spahon, që ra në fushë betejën, respekt për veprën e tij, i palodhur, dhe keqardhje që tradhëgimia e tij e bilbilfryerjes. Ai ishte padiskutim më i guximshëm dhe me më shumë vlerë sesa ju së bashku. Do jetë gjithmonë në zemrat tona, kur do ta kemi sërish këtu bashku me ju për revolucionin e radhës. Pasi të mbarojnë 20 ditët…”.
Discussion about this post