Pas thuajse tre muajsh e blinduar, selia blu më në fund është “zhveshur” nga peshat e rënda të dyerve dhe dritareve që nuk lejonin askënd apo asgjë të depërtonte në seli.
Prej disa ditësh në selinë e demokratëve, është punuar me orë të zgjatura për të hequr të gjitha materialet, logot dhe banerat e vendosur disa ditë përpara protestës së 8 janarit.
Blindimi i selisë së PD u bë nga Lulzim Basha, i cili bashkë me Gazment Bardhin, për ditë me radhë mohuan vendosjen e dyerve të blinduara, ndërsa flisnin për rikonstruksione të thjeshta brenda selisë, megjithëse videot në rrjetet sociale i nxorën jo pak herë blof.
Kjo lëvizje në PD erdhi vetëm disa ditë pasi Gjykata njohu Komisionin e Rithemelimit si organin drejtues duke pranuar kështu ndryshimet statutore të Kuvendit të 11 dhjetorit të mbledhur nga ish-kryeministri Sali Berisha.
Discussion about this post