Zinedine Zidane ka fituar gjithçka si futbollist e më pas si trajner. Është ndër të paktët ikona të futbollit që ndihet i plotësuar nga sukseset e arritura megjithëse ka edhe një peng të cilën e ka zbuluar së fundmi për mediat.
“Unë jam nga Marseja, jam larguar prej andej shumë i vogël dhe nuk jetoj më aty. Por, rikthehem herë pas herë dhe e di që jam marsejez. Do të jetë kështu për të gjithë jetën time. Kur isha i ri, 15, 16 apo 17 vjeç shkoja gjithnjë në stadium për të parë ndeshjet e Marsejës.
Dhe, duke qenë se kisha nisur rrugën e futbollistit, mendoja veten time pse jo një ditë të luaja me Marsejën. Por, nuk ndodhi në asnjë moment për shumë arsye. Do të kishte qenë diçka shumë e fortë për mua nëse do të isha bërë pjesë e Marsejës”, shprehet Zidan.
Discussion about this post