Nga informacionet paraprake mësohet se zjarri ka rënë në çatinë e përbashkët të banesave, në lagjen 4, Pogradec. Rrezikohet edhe një banesë tjetër ngjitur me dy katëshen ku ka rënë zjarri.
Zjarrfikësja është në vendngjarje së bashku me policinë, ku kanë bërë evakuimin e banorëve dhe fatmirësisht nuk ka dëme në njerëz. Po punohet për fikjen e zjarrit e zbardhjen e shkaqeve.
Njoftimi i Policisë:
Policia bën me dije se rreth orës 21:25, në lagjen nr. 4 Pogradec, dyshohet se aksidentalisht ka rënë zjarr në banesën e shtetasit A. B., 80 vjeç.
Si pasojë e zjarrit, janë përfshirë dhe banesat ngjitur me banesën që ra fillimisht zjarri. Shërbimet Policisë dhe zjarrfikësit kanë ndërhyrë menjëherë për evakuimin e banorëve dhe për shuarjen e zjarrit. Nga rënia e zjarrit ka vetëm dëme materiale, ndërsa banorët janë evakuuar të gjithë.
Vijon puna intensive për neutralizimin e përhapjes së zjarrit dhe shuarjen e plotë në banesat e përfshira nga flakët. Grupi hetimor nën drejtimin e Prokurorisë po punon për përcaktimin e saktë të shkakut të rënies së zjarrit.
gijotina.com/
Discussion about this post