Dhjetëra vatra të reja zjarri janë raportuar ditën e sotme në vendin tonë dhe më i fundit është i pak minutave më parë në Rrogozhinë. Bëhet me dije se një zjarr i madh ka përfshirë kodrat mes Gosës dhe Rrogozhinës. Burimet bëjnë me dije se në kodrën ku ka rënë zjarri janë mbjellë disa hektarë me ullinj të cilët janë përfshirë nga flakët. Siç shihet në foto zjarri është i përmasave të mëdha dhe po rrezikon edhe banesat që ndodhen aty pranë.
Ndërkohë në vendngjarja kanë mbërritur forcat zjarrfikëse të cilat po punojnë për fikjen e flakëve por po hasin vështirësi për shkak të terrenit të thyer. Në ndihmë të forcave zjarrfikëse kanë shkuar edhe banorët e zonës të cilët po mundohet të neutralizojnë flakët me mjete rrethanore.
Discussion about this post