Një vatër zjarri është shfaqur në Radhimë. Sipas komunikimeve, nga flakët rrezikohet karburanti që ndodhet pranë vendit.
Gjithashtu ka rrezik për banesa edhe për njësi hotelerie pasi zjarri po merr përmasa të mëdha. Deri më tani në vendngjarje kanë mbërritur katër zjarrfikëse.
Ndërkohë zjarrfikësit kanë arritur të vënë nën kontroll flakët që po përhapeshin në të gjithë kodrën, teksa zjarri ka shkrumbuar disa dhjetëra pemë ullinj dhe një banesë të pabanuar.
Rradhima dhe Orikumi kanë mbetur në këto momente pa drita pasi zjarri rrezikon edhe një transformator të energjisë elektrike të ndodhur aty pranë.
