Një zjarr ka përfshirë një banesë private pasditen e sotme në kryeqytet. Shtëpia, që ndodhet në “Rrugën Tefta Tashko Koço”, mësohet se është në listën e monumenteve të kategorisë së parë.
Vendndodhja është pranë kryqëzimit të ish-ATSH, një zonë e lakmuar për pallate.
Ngjarja të kujton rastin e zjarrit te Sarajet e Toptanëve, por edhe rasteve të tjera të shtëpive që duhen mbrojtur nga shteti, por që rastësisht pas djegieve të tyre “aksidentale”, në këto zona mbijnë pallate.
Kjo është një mënyrë që Veliaj ka zgjedhur për të betonizuar Tiranën dhe të pasuroje xhepin e vet dhe të oligarkëve.
Zjarri që shkrumboi “Bar Sahatin” dhe kulla që mbiu në mes të Tiranës
Ishte Shkurti i vitit 2019, kur një zjarr përfshiu ish-Bar Sahatin, një lokal që gjendej në qendër të Tiranës, pranë Bashkisë së kryeqytetit dhe Xhamisë së Et’hem Beut.
Vetëm pak ditë pas atij zjarri, në truallin ku gjendej ish-Bar Sahati, u hap një gropë gjigande, e cila u përgatit për një kullë të lartë, 77 metra. Tashmë, ajo kullë është lartësuar dhe i ka marrë frymën edhe një prej simboleve të Tiranës, pikërisht “Kullës së Sahatit”. Sahati i Tiranës ishte monument kulture i kategorisë së parë i miratuar në vitin 1948 dhe zona përreth ishte zonë Muzeale dhe në këtë mënyrë ishte e pamundur që të ndërhyhej për të ndërtuar. Por në vitin 2018, Bashkia e Tiranës dhe Këshilli i Rregullimit të Territorit më procedura të përshpejtuara ia kanë hequr këtë status.
Djegia e sajareve dhe premtimi i pambajtur i Veliajt
Ndodhia u risoll në vëmendje edhe në Gusht të vitit 2021, kur një zjarr përfshiu Sarajet e Toptanëve pranë qendrës së kryeqytetit. Të ndërtuara rreth viteve 1833-1840, sarajet janë monument kulture me një vlerë të paçmuar arkitekturore të Tiranës.
Në një ngjarje që ende nuk është zbardhur nga autoritetet, persona të panjohur i vunë flakën sarajeve, me autorët që mbeten të panjohur edhe sot e kësaj dite.
Opozita, por edhe më gjerë, akuzuan se pas ngjarjes fshihet dora e pushtetit dhe kryetari i Bashkisë së Tiranës Erion Veliaj, i cili e ka treguar veten se rrallë i gjendet rivali në “zanatin e betonizimit”.
Ky i fundit, pas ngjarjes mohoi akuzat duke u zotuar se do të sarajet do të shpronësohen, rikonstruktohen dhe hapen për publikun.
Premtimi, megjithatë, ende nuk është realizuar, që prej atëherë.
Ndoshta, Veliaj po pret që ngjarja të harrohet për të ngritur edhe aty qiellgërvishtës me partnerët oligarkë, e në ndërkohë të njëjtin plan po e vë në jetë duke djegur edhe pasuritë e tjera të Tiranës…
Discussion about this post