Një tjetër vatër zjarri është aktivizuar në Budinë të Elbasanit paraditen e sotme. Kanë qenë banorë e zonës të cilët kanë konstatuar situatën rreth orës 12:35. Mësohet se në një kohë të shkurtër flakët kanë përfshirë një sipërfaqe mjaft të madhe të një masivi të dendur me mare e shkurre të llojit shkozë, dëllinjë, lajthi etj.
Për shkak të terrenit me barishte të thata era ka favorizuar përhapjen e flakëve. Mësohet se aktualisht për izolimin e flakëve janë angazhuar disa banorë të zonës dhe në ndihmë të tyre pritet të shkojnë edhe punonjës të shërbimit zjarrfikës.
Paraprakisht dyshohet për zjarrvënie të qëllimshme pasi në këtë zonë edhe vite më parë është tentuar hapja e kullotave duke djegur masivet me shkurre. Kujtojmë që gjatë kësaj jave nga zjarrvënia e qëllimshme u dogjën disa ha me pyje në Malin e Bukanikut në zonën e Shpatit. / A.L gijotina.com /
