Zjarr në Lazarat, flakët rrezikojnë banesat

Një zjarr ka rënë në fshatin Lazarat në Gjirokastër dhe një tjetër në Delvinë. Në të dyja zonat, vatrat e zjarrit rrezikojnë banesat.

Flakët favorizohen nga era, e cila po i përhap me shpejtësi. Report Tv sjell edhe pamjet nga dy zona që janë përfshirë nga zjarri, ndërsa arsyet e tij ende nuk dihen.

Forcat zjarrfikëse ndodhem në vendngjarje për të shuar vatrat e zjarrit që zonën kodrinore fare pranë aksit nacional Gjirokastër-Kakavijë.

Ndërkohë, në Delvinë në fshatin Vllahat është situatë pak më e vështirë për ndërhyrje pasi terreni është i vështirë për t’u futur zjarrfikësja. Ndërkohë që për shuarjen e flakëve po ndihmojnë edhe banorët.

Deri më tani nuk raportohet për dëme nëpër banesa.