Zjarr në Nartë, digjen disa dyqane, rrezikohen nga flakët edhe banesa të tjera

Një zjarr ka rënë sot në një lokal në qendër të Nartës. Flakët janë përhapur edhe në dyqanet e tjera, ndërkohë që rrezikohen edhe disa banesa. Forcat zjarrfikëse kanë shkuar në vendngjarje dhe po punojnë për shuarjen e tij.

Sipas informacioneve paraprake është djegur një makinë dhe një motor. Ende nuk dihen shkaqet e zjarrit.

Këto dyqane shërbenin dikur për banorët e fshatit Nartë, por sipas zjarrfikëseve ishin bosh dhe të mbyllura. Zjarrfikësit kanë bërë të mundur shuarjen e flakëve ndërkohë që policia po merr në pyetje banorët si dhe pronarët e këtyre godinave.

Dyshohet shkëndija elektrike por nuk përjashtohet dhe zjarrvënie e qëllimshme.