Një zjarr i përmasave të mëdha ka përfshirë fshatin Penkovë në Bashkinë e Selenicës, duke shkaktuar dëme materiale.
Flakët, të favorizuara nga temperaturat e larta dhe era, përfshinë disa automjete të një subjekti privat që shërbenin për pjesë këmbimi.
Sipas pronarit të biznesit, dëmi ekonomik llogaritet në rreth 35 milionë lekë.
Zjarri ishte i përmasave të konsiderueshme, ndërsa sipas raportimeve, forcat zjarrfikëse të Selenicës, Vlorës dhe Himarës, pas disa orësh punë arritën të lokalizonin flakët.
Nga zjarri nuk raportohet për persona të lënduar, ndërsa shkaqet e rënies së tij pritet të zbardhen nga hetimet.
Discussion about this post