Një zjarr i madh ka përfshirë mbrëmjen e djeshme vreshtat e Patosit. 5 hektarë tokë me pemë frutore e ullinj janë përfshirë nga zjarri.
Ngjarja ka ndodhur në fshatin Kasnicë të Bashkisë së Patosit. Si rezultat i zjarrit janë djegur 80 pemë qershi dhe 100 rrënjë ulliri. Forcat e zjarrfikëses kanë luftuar për orë të tëra më flakët dhe janë përballur me vështirësi të madhe në fikjen e tyre për shkak të terrenit të vështirë.
Në terren kishin zbarkuar 2 mjete dhe 12 forca zjarrfikëse. Ende nuk dihen shkaqet e zjarrit.
