Zjarr në zonën moçalore të Rrilës në Lezhë, era e fortë vështirëson shuarjen e flakëve

Një zjarr ka përfshirë një zonë moçalore në fshatin Rrilë të Lezhës, duke rrezikuar përhapje të mëtejshme për shkak të erës së fortë.

Forcat zjarrfikëse ndodhen në terren dhe po punojnë për të vënë situatën nën kontroll, por kushtet atmosferike po e bëjnë operacionin të vështirë. Deri më tani, nuk raportohet për dëme në banesa apo rrezik për banorët.

Autoritetet u bëjnë thirrje qytetarëve të shmangin zonën dhe të raportojnë çdo vatër të re zjarri për të parandaluar përhapjen e mëtejshme të flakëve.