Prej tre ditësh, zjarri vijon të përparojë në malin e Tërbunit në Pukë, ndërsa përballja me flakët po bëhet kryesisht nga zjarrfikësit dhe Shërbimi Pyjor.
Të favorizuara nga era e fortë, flakët po përhapen me ritme të larta, duke e vështirësuar ndjeshëm ndërhyrjen e forcave në terren.
Për situatën kërkohet ndërhyrje urgjente nga ajri, me qëllim frenimin e përhapjes së zjarrit.
Rreziku është shtuar edhe për zonat e banuara. Flakët mund të zbresin në drejtim të fshatrave të njësisë administrative Gjegjan, duke kërcënuar banorët dhe pronat e tyre.
Discussion about this post