Sipas mediave greke, nga ishulli ka pasur rreth 19 mijë persona të evakuar. Mësohet se 16.000 janë transportuar me mjete tokësore dhe 3.000 me varka.
Në qendrat shëndetësore raportohet për 2 persona të shtruar dhe 9 të tjerë me probleme të frymëmarrjes.
Operacioni i evakuimeve u krye në kushte të pafavorshme, pasi frontet e zjarrit ishin në zhvillim e sipër, me erëra të forta që favorizonin flakët dhe ndërsa në shumë vende flakët i kalonin 5 metra lartësi.
Ky është operacioni më i madh i këtij lloji për evakuimin e banorëve dhe turistëve që ka ndodhur ndonjëherë në vend.
Më konkretisht, nga të dhënat e Drejtorisë së Policisë Dodekanez rezulton se janë evakuuar këto vendbanime: Kiotari, Gennadi, Pylonas, Laerma, Lardos, Lindos, Kalathos Malona, Asklipieio, Pefkos, Massari, Haraki si dhe nga hotelet e këtyre zonave. Pjesa më e madhe e qytetarëve u transportuan me autobusë turistikë, anije të Rojës Bregdetare dhe anije private të porositura nga Roja Bregdetare.
Discussion about this post