Situata e zjarreve në vend vazhdon të jetë kaotike. Mësohet se zjarri në pyjet e Mirditës është ende aktiv, ndërsa rrezikohet të digjet edhe terreni në tunelin e Kalimashit.
Më konkretisht në fshatin Xhuxhë dhe Domgjon të Fanit, zjarri është shumë aktiv dhe flakët kanë nisur që në mbrëmjen e djeshme.
Në fshatin Katund i Vjetër, situata është më e qetë por ende nuk ka shuarje totale të vatrave të zjarrit në Molung dhe Kryezez. Po ashtu vatra aktive ka edhe në Thirrë, në afërsi të tunelit të Kalimashit.
