Sindikata e Zjarrfikësve ka dalë sot në protestë para Kuvendit të Shqipërisë, ku kërkojnë kushte më të mira pune dhe pagesë për orët shtesë. Ndërsa u shpreh se qeveria i ka lënë më mëshirë të fatit dhe vetëm i mban me gënjeshtra, njeri nga protestuesit tha se, kanë marrë kërcënime me heqje nga puna, nëse do të ngriheshin në protestë.
“Ne kërkojmë që VKM të flasë siç thotë Kodi i Punës. Ka dalë edhe urdhri i Ministrit, këta duhet të paguhen njësoj siç e thotë Kodi i Punës. Ka një shkresë zyrtare, por zjarrfikësve nuk u paguhen orët e natës. E gjithë protesta ishte për vëmendjen e kryeministrit, të mos flasim broçkulla ligjin e bën kryeministri. Unë kërkoj që kryeministrin ta vë në dijeni. Ky parlament i bën ligjet, të zbatohet ligji. Sot në mëngjes në disa rrethe nuk u kanë lënë me ardhë në protestë, me vendimin se do t’i largonin nga puna, ka pasur presion për t’i hequr nga puna. Duam kushtet e punës dhe të shtohet vëmendja”, tha protestuesi.
Sakaq, ai tha se në çdo herë ministria përgjegjëse iu thotë se do ulen për bisedime, por i anashkalon gjithmonë dhe prej vitesh zëri i tyre nuk dëgjohet dhe ata nuk respektohet e nuk shpërblehen për punën e vështirë që bëjnë.
Discussion about this post