Deputeti demokrat Agron Shehaj ka folur pak para se të hynte në sallën e Parlamentit, ku nuk nguroi të sulmonte Lulzim Bashën pas humbjes në zgjedhjet e 6 marsit. Shehaj tha para gazetarëve se Basha duhet të japë dorëheqjen pasi zgjedhjet treguan se ai nuk ka shumicën brenda partisë.
Ndër të tjera, Shehaj u pyet edhe për largimin e Berishës, për të cilin tha se ata që e duan një gjë të tillë të votojnë dhe të mbledhin më shumë vota se ai, si thelbin e demokracisë.
“Zgjedhjet e 6 marsit treguan se Basha nuk ka shumicën brenda partisë, ndaj duhet të largohet dhe demokratët të bashkohen, u bëj thirrje kolegëve të mi, që të respektojnë vullnetin e shumicës dhe të bashkohemi. Demokracia funksionon përmes votës, shumica tregoi se nuk është me Bashën dhe ai të largohet, kush do të largojë Berishën të mbledhë votat dhe ta largojë. Me votë. Nuk flasim për bashkim grupimesh, shumica ka shprehur vullnetin, argument ishte se Basha kishte shumicë, tani se kanë më këtë argument. Ne demokraci vendoset përmes votës”, tha Shehaj.
Discussion about this post