Janë gjetur nga ekipi i specialistëve kubanë eshtrat e katër zjarrfikësve të zhdukur si pjesë e operacionit për shuarjen e mega zjarrit të shkkatuar nga rrufeja në një depo nafte dhe karburantesh në provincën perëndimore të Matanzas, në Kubë.
Sipas mediave vendase “Prensa Latina”, lajmi është bërë i ditur gjatë një takimi të kryesuar nga Presidenti i Republikës, Miguel Diaz-Canel.
Deri dje bilanci i zjarrit ishte dy të vdekur, dhjetëra të plagosur dhe 14 të zhdukur, ndërsa dyshohet se bëhet fjalë për të gjithë zjarrfikësit që kanë shkuar në vendngjarje për të shuar flakët.
Ministri i Shëndetësisë Publike, José Angel Portal, konfirmoi gjatë takimit se 22 persona mbeten të shtruar në spital, prej të cilëve shtatë në gjendje kritike.
Gjatë fundjavës, guvernatori i Matanzas, Mario Sabines, njoftoi se rikuperimi i zonës industriale dhe zonave të dëmtuara përreth, monitorimi mjedisor, rivendosja e logjistikës në shpërndarjen e karburanteve, si dhe kërkimi i viktimave të tjera, të cilët janë. aktualisht konsiderohet i zhdukur.
Discussion about this post