Ministri i Mbrojtjes, NIko Peleshi ka reaguar për zjarrin në ishullin e Sazanit. Sipas ministrit Peleshi që prej mesditës së sotme, 61 efektivë po punojnë për të neutralizuar flakët. Sipas tij, përpjekjet e efektivëve dhe zjarrfikësve po e vështirëson terreni i vështirë i zonës ku ka rënë zjarri.
“Që prej mesditës, 61 efektivë, kryesisht të Forcës Detare dhe forcat e gatshme të Forcës Tokësore, së bashku me zjarrfikës të Vlorës, po punojnë për shuarjen e zjarrit të rënë në Ishullin e Sazanit.
Përpjekjet maskimale vijojnë në kushte tepër të vështira ku terreni dhe bimësia vështirësojnë fikjen e zjarrit.”-shkruan ministri Peleshi.
Sipërfaqe me pisha dhe pyje janë përfshirë nga flakët pasditen e sotme në ishullin e Sazanit. Kjo është hera e dytë që brenda pak ditësh që ishulli i Sazanit përfshihet nga flakët. Vetëm dy ditë më parë, disa shkurre e ferra u dogjën ndërsa u desh ndërhyrja e forcave të ushtrisë
Discussion about this post