Një vatër e madhe zjarri është aktivizuar në Llogara pasditen e sotme. Tani bëhet me dije se flakët janë shkaktuar si pasojë e një vetëtime, ndërsa në vendin e ngjarjes ndodhen forca të shumta zjarrfikëse të Himarës dhe rreth 50 vullnetarë.
Në ndihmë të zjarrfikësve ka ardhur edhe një helikopter i cili pasditen e sotme ka neutralizuar flakët në pjesën lindore të kësaj vatre.
Në pjesën fundore, në perëndim, zjarri i është afruar Karaburunit.
Së fundmi, burimet bëjnë me dije se nëse nuk neutralizohet gjatë natës, do ndërhyjë sërish helikopter në 05:00 të mëngjesit.
Discussion about this post