Një pallat është përfshirë nga zjarri mëngjesin e sotëm në Francë. Për pasojë kanë humbur jetën dhjetë persona, mes tyre pesë fëmijë. Ngjarja ndodhi në lagjen Mas du Taureau, në periferinë lindore të Lionit.
Ndërkohë mësohet se katër persona janë nxjerrë të gjallë nga pallati shumëkatësh.
Banorët e zonës ka thënë se shpërthimi i zjarrit i zgjoi nga gjumi dhe se dëgjuan britma dhe ulërima fëmijësh.
“Dëgjuam britma, ulërima të fëmijëve. Kur hapëm dritaret, pamë tymin që dilte nga pallati, zbritëm menjëherë poshtë”, ka thënë një fqinj, raporton The Guardian.
Nuk dihet ende shkaku i zjarrit. Sakaq mediet lokale bëjnë me dije se zjarri shpërtheu fillimisht në katin e parë, e më pas u përhap me shpejtësi në katet e tjera të pallatit.
Në vendngjarje shkuan 165 zjarrfikës me 70 automjete të cilët pas disa orësh përpjekje kanë bërë të mundur shuarjen e zjarrit.
#Incendie à @vaulxenvelin69 dans un immeuble d'habitation ce vendredi 16 décembre 2022.
Point de situation à 06h30 ⤵️ pic.twitter.com/FioOtXvCdI— Préfet de région Auvergne-Rhône-Alpes et du Rhône (@prefetrhone) December 16, 2022
Discussion about this post