Vazhdon të jetë alarmante situata e zjarrit në Prespë, për shkak të përhapjes në shumë drejtime. Nga informacionet më të fundit, mësohet se sipërfaqja e djegur i kalon 150 hektarë bimësi.
Vatrat e zjarrit janë përhapur aq shumë sa kanë dalë nga kontrolli dhe rrezikojnë të përfshijnë edhe doganën e Goricës dhe fshatin Goricë e Madhe.
Nga ana tjetër, zjarri po merr edhe në drejtim të Pogradecit përgjatë Malit të Thatë. E vetmja alternativë duket se mbetet ndërhyrja nga ajri ndërsa pritet të vendoset në vijim se si do të ndërhyhet në zonë pasi rikujtojmë se me mjete rrethanore është tashmë e pamundur për të vënë nën kontroll flakët dhe për ti shuar ato.
Zjarri është në një territor të thyer dhe në një distancë të largët nga zonat e banuara.
Prej orës 05:30 të mëngjesit të sotëm të gjitha forcat janë angazhuar në terren.
Gjithashtu në zonë kanë qenë edhe prefekti i qarkut të Korçës Nertil Jole me drejtorin e Përgjithshëm për Mbrojtjen nga Zjarri dhe Shpëtimin në Ministrinë e Brendshme, z. Arben Cara.
Në terren ditën e sotme kanë zbritur mbi 80 forca, te shërbimit të MZSH-ve, të Forcave të Armatosura te Repartit Ushtarak Drenovë (Korçë), atyre të Agjencisë Rajonale të Zonave të Mbrojtura, shërbimit pyjor, etj.
E gjithë sfida është që të mos preket bimësia e lartë, forcat po bëjnë të pamendurën për të izoluar flakët dhe ngushtuar perimetrin.
Dje u sigurua ndërhyrja nga ajri me helikopterin Cougar dhe dy avionë të dërguar nga pala maqedonase ndërkohë që ditën e nesërme pritet sërish një ndërhyrje tjetër nga ajri.
gijotina.com/
Discussion about this post