Flakët që kanë rënë në Parkun Kombëtar të Tomorit po përparojnë drejt Teqes së Kulmakut. Vatra e Zjarrit ndodhet ndodhet në zonën e “Majës së Çukës”, aty ku mbahet pelegrinazhi i përvitshëm i besimtarëve bektashinj.
Flakët po shkojnë drejt Teqes së Kulmakut, vendi i shenjtë që pret çdo vit mijëra besimtarë bektashianë nga Shqipëria e jo vetëm.
Në vendngjarje janë 14 punonjës me mjete rrethanore dhe pompa shpine që po luftojnë me flakët. Sipas drejtorit ADZM, Fatos Nako era e fortë favorizon zjarrin.
Sakaq, shton se forcat ndodhen në terren dhe po mundohen të vënë në kontroll zjarrin, ndërsa grupi i zjarrfikësve nuk arrin dot me automjete dhe janë të detyruar të përdorin mjete rrethanore.
Drejt Parkut të Tomorrit,në ndihmë të zjarrëfikësve të Skrapariit,janë nisur zjarrëfikës nga Berati dhe Poliçani, ndërkohë që zjarrëfikësve ju janë bashkuar edhe banorë të zonës.
Discussion about this post