Situata me zjarrin në lagjen “Partizani”, në zonën mbi Spitalin Rajonal të Vlorës është përshkallëzuar pasi flakët u janë afruar banesave.
Flakët e ndihmuara nga era e fortë po përparojnë me shpejtësi, ndërsa si pasojë e kësaj është djegur edhe një sipërfaqje me bimësi.
Në terren janë nisur tre automjete zjarrfikëse me rreth 20 punonjës.
Ata po punojnë për izolimin e flakëve dhe neutralizimin e situatës.
Era e fortë vijon të favorizojë përparimin e zjarrit dhe rindezjen e vatrave. Kjo gjë e ka bërë situatën me vështirë për zjarrfikësit.
Discussion about this post