Zjarri ka përfshirë një sipërfaqe me ullinj dhe shkurre në lagjen “Bylis” të qytetit të Ballshit ose si njihet ndryshe Ballshi Fshat.
Zjarri ka rënë në kufi të kësaj lagje me fshatin Qafa e Kashit. Policia, e cila erdhi në vendngjarje, ka vënë në dijeni se mbi 209 rrënjë ulliri janë djegur dhe kanë mbetur të shkrumbuara.
Burimet për Gijotina.com bëjnë me dije se flakët janë përhapur edhe për shkak të erës dhe ndodhen jo shumë larg banesave, ndërsa tymi ka përfshirë të gjithë këtë zonë.
Në terren ka zbritur reparti zjarrfikës i Mallakastrës dhe ato te UPN Ballshit ndërsa edhe vetë banorët po ndihmojnë për shuarjen e flakëve. Ende nuk dihet shkaku i rënies së zjarrit dhe nëse ai ka qenë i qëllimshëm apo jo.
Shumë konspiracione vërtiten përsa i përket nisjes së këtij zjarri.
Disa banorë thonë se zjarri erdhi nga poshtë e mori grykën, nuk e dimë dhe nuk kemi parë gjë nëse e vuri ndokush zjarrin, ndërsa të tjerë thonë se ka qenë i qëllimshëm.
