Kryetari i Partisë demokratike Sali Berisha, ka shpërndarë sot në rrjetet sociale disa pamje të trishta nga zjarri që ka përfshirë fshatin Fushë Grudë në Malësinë e Madhe.
Berisha shkruan se ndërhyrja për të vënë nën kontroll flakët ka qenë shumë e vonuar.
“Zjarri djeg dhjetëra shtëpi në fshatin Fushë Grudë, Malësi e Madhe! Ndërhyrja tejet e vonuar! Turp”, ka shkruar Berisha.
Mësohet se 35 banesa të pabanuara janë shkrumbuar në Grudë të Koplikut.
Për mbi dy orë flakët kanë përfshirë sipërfaqe të mëdha toke. Ndërkohë dëmet janë katastrofike dhe 80% e banesave janë djegur plotësisht. Por fatmirësisht nuk ka dëme në njerëz.
Po ashtu në vendngjarje kanë shkuar autoritetet zjarrfikëse, ndërkohë që në ndihmë kanë shkuar dhe banorët e fshatit, që me mjete rrethanore kanë bërë të mundur izolimin e flakëve.
Discussion about this post