Zona e Kënetës në Lezhë përfshihet nga flakët

Një zjarr i përmasave të mëdha ka përfshirë zonën e Kënetës, pranë bregdetit të Tales në Lezhë.

Sipërfaqe të tëra me shkurre dhe barishte po digjen prej ditësh në këtë zonë.

Zjarrfikëset janë angazhuar për shuarjen e zjarrit por ka qenë e pamundur vënia nën kontroll,  për shkak të erës. Sipërfaqja e zjarrit është zgjeruar në orët e mbrëmjes së sotme, 19 mars.

Zjarre të këtij lloji janë të shpeshta në këtë zonë, ndërsa janë vetë banoret ata që i ndezin pasi i përdorin këto toka kënetore për blegtorinë.