Gratë kanë ditur të bëjnë revolucion dhe të sfidojnë mentalitet e ngritura nga shoqëria e cila tentonte t’u vishte petkun e nënës dhe gruas duke synuar nënshtrimin. Por historia dhe rastet konkrete kanë treguar se gratë dinë të bëjnë revolucion edhe kur janë në ditët e tyre më të vështira. Ato mund të jenë nënë, grua dhe mbi të arrijnë objektivat e tyre. Një prej tyre është Eva Peron, Zonja e parë argjentinase, e cili ia doli të marrë një rol të rëndësishëm në jetën politike dhe sociale të kombit të saj. Vendosi të varfrit dhe të luftojë për të drejtat e grave.
Fëmijëria e Eva Duartes u karakterizua nga varfëria dhe kontakti me botën rurale. Në moshën 15-vjeçare ajo shkon në Buenos Aires dhe fillon të punojë si aktore, modele dhe folëse në radio. Në vitin 1945, kur kishte fituar pak njohje martohet me kolonelin Juan Domingo Peron dhe një vit më vonë, pas zgjedhjeve të të shoqit si president i Argjentinës do të merrte krahë nga jeta politike, një nga më aktivet dhe më të rëndësishmet e shek XX. Evita Peron, siç e thërrisnin shtresat e varfra të shoqërisë argjentinase, përmirësoi gjendjen e punëtorëve dhe të grave në vendin e Amerikës Jugore.
Në vend që të pranonte poste zyrtare në qeverisje preferoi të aplikonte politikat sociale që besonte përmes fondacionit “Eva Peron”. Fondet publike me të cilat mbahej u përdorën për ndihma sociale si ndërtime spitalesh dhe shkollash ose në programe mbështetëse për shtresat e varfra. Veproi si ndërmjetëse mes qeverisë dhe sindikatave dhe themeloi partinë peroniste femërore me të cilën mbrojti të drejtat e grave dhe mori votën femërore në vitin 1947.
Zonja e parë vdiq më 26 korrik 1952 nga kanceri i mitrës duke shënuar kështu edhe rënien e peronizmit që do të shtypej tre vite më vonë nga një grusht shteti me karakter ushtarak. Rëndësia që pati ky personazh femëror për atë periudhë kur gratë ishin të nënshtruara nga meshkujt e shndërroi automatikisht në një figurë të admirueshme dhe të njohur në të gjithë botën. Emri i saj ka kaluar në histori si sinonim i luftës për të drejtat e grave, bindjes dhe stilit femëror.
