Zyra përmbarimore Tropojë jep urdhër për pezullimin e punimeve në Valbonë

Zyra bashkiake e përmbarimit në Tropojë ka kërkuar ndalimin e punimeve në dy hidrocentrale në lumin Valbonë, nga agjencitë qeveritare dhe kompanitë private ose në të kundërt do të përballen me gjoba dhe ndjekje penale.

Para pesë vitesh një grup banorësh vendas dhe një OJQ e quajtur Toka, paditën punimet për HEc-in në gjykatë, me pretendimin se ndërtimi i hidrocentraleve do të dëmtonte natyrën dhe do të ndikonte negativisht në turizmin e Valbonës, i shpallur si Park Kombëtar.

Në vendim thuhej se palët e përfshira në projekt janë të detyruara të ndërprejnë punimet në një afat prej 10 ditësh, bazuar në vendimin e dhënë.

Në të kundërt, kur afati përfundonte këto palë do të gjobiteshin deri në 50 mijë lekë (406 euro) dhe të denoncohen për ndjekje penale.

Palët e përfshira në këtë projekt ishin agjenci dhe kompani private, Ministria e Energjisë, Agjencia Kombëtare e Mjedisit, Ministria e Mjedisit, Këshilli Kombëtar i Territorit, Këshilli Ujëmbledhës Drin-Bunë dhe kompanitë Gener 2 dhe Dragobia Energy

Kontrata e koncesionit mes kompanive dhe institucioneve u pezullua nga Gjykata e Lartë në qershor të këtij viti, në pritje të një vendimi përfundimtar nga gjykata.

Ndonëse u dha ky vendim nga Gjykata e Lartë, kompanitë nuk e ndaluan punën për ndërtimin e uzinës në lumin Valbonë.

Më 27 tetor, Drejtoria e Përgjithshme e Përmbarimit urdhëroi një përmbarues vendor, Eduard Mrishaj, të ndalonte punën, por puna vijoi sërish pa asnjë shpjegim se pse ky urdhër po injorohej.

Leja për ndërtimin e hidrocentralit të Dragobisë në Valbonë nga kompania Gener 2, u miratua në vitin 2007, ku kompania përgjegjëse për punimet nënshkroi kontratë kontratën koncesionare me Ministrinë e Ekonomisë, Tregtisë dhe Energjetikës.

Vërtetshmëria e kësaj lejeje u diskutua sërish, pasi dyshohej se kompania Gener 2, falsifikoi firmat e lejes duke përdorur emrat e atyre që nuk jetonin më.

Ky dyshim pohohet edhe nga banorët e zonës të cilët pranojnë se firmat që kompania dispononte i përkisnin personave që kishin vdekur tre vite më parë, ndërsa banorët e tjerë pretendojnë se nuk kishin firmosur.

Ndërtimi i hidrocentralit në Valbonë ka ngritur shqetësimin se mund të dëmtojë mjedisin dhe potencialin turistik të zonës, e cila mban nofkën Alpet Shqiptare.

 Lugina e Valbonës u shpall park kombëtar në vitin 1996 dhe konsiderohet si një nga vendet më tërheqëse në Shqipëri.