Tashmë është gjithçka zyrtare. Mbrojtësi veteran Dani Alvesh është rikthyer tek skuadra e Barcelonës teksa prej disa javësh ishte pa skuadër pas largimit nga Sao Paulo. Futbollisti brazilian ka firmosur një kontratë deri në fundin e sezonit me skuadrën katalanase teksa do të luajë falas për shkak të probleme financiare të katalanasve. Në bazë të rendimentit të treguar do të varet edhe zgjatja e kontratës se legjendës së klubit katalanas.
Dani Alvesh ishte një kërkesë e trajnerit aktual të blaugranave, Ksavi Hernandez. Spanjolli beson tek aftësitë e mbrojtësit brazilian i cili ka fituar çdo trofe të mundshëm me katalanasit. Një zgjedhje e zgjuar e Dani Alvesh i cili kërkon gjithashtu të jetë pjesë e kombëtares braziliane për Botërorin e Katarit.
Discussion about this post