Saliou Guindo është larguar nga Laçi, pas nëj sezoni fantastik ku shënoi 19 gola dhe fitoi “Këpucën e Artë”. Sulmuesi pati disa oferta dhe në fund zgjodhi të kalonte te Dibba Fujairah në Emiratet e Bashkuara Arabe, ku do të ketë përfitime të mëdha në aspektin financiar.
Guindo në Shqipëri ishte aktivizuar më parë me Skënderbeun dhe më pas spikati te Bylisi. Vjet i besoi Laçi dhe paraqitjet e mira i mundësuan sulmuesit këtë transferim.
Para largimit, Guindo në rrjetet sociale shkruante: “Është koha për të thënë mirupafshim pas një sezoni fantastik te Laçi. Ishte një eksperiencë madhështore dhe jam krenar që kam dhënë më të mirën time sa herë kam veshur këtë fanellë.
Dua të falënderoj drejtuesit e klubit, veçanërisht presidentin Pashk Laska, stafin e trajnerëve, shokët e skuadrës dhe sigurisht fansat e mrekullueshëm për mbështetjen e madhe gjatë këtij viti. Ju uroj më të mirat”.
Discussion about this post