Interi ka emëruar Bordin e ri të Drejtorëve dhe ka përzgjedhur Presidentin e ri, pas marrjes në dorë të klubit nga ana e “Oaktree”.
Giuseppe Marotta është emëruar si President i klubit zikaltër. Ish-drejtori sportiv i zikaltërve do të vijojë të qëndrojë në klub, me një detyrë më të lartë.
Njoftimi zyrtar nga klubi:
Inter njofton sot emërimin e propozuar të Giuseppe Marotta si President i ri dhe përbërjen e re të Bordit të Drejtorëve të Kompanisë, e cila do të konfirmohet nga Mbledhja e Aksionerëve.
Emërimet e propozuara pasojnë ndryshimin e fundit të pronësisë së klubit më 22 maj 2024, kur fondet e menaxhuara nga Oaktree Capital Management, morën pronësinë e Interit. Oaktree, si pjesë e fokusit në stabilitetin operacional dhe financiar të Interit, ka propozuar emërimin e anëtarëve të rinj të mëposhtëm të Bordit të Drejtorëve.
Alejandro Cano, Drejtor Menaxhues dhe Bashkëdrejtues i Evropës për Strategjinë e Mundësive Globale të Oaktree
Katherine Ralph, Drejtore Menaxhuese e Strategjisë së Mundësive Globale të Oaktree
Renato Meduri, Zëvendës President i Lartë për Strategjinë e Mundësive Globale në Oaktree
Carlo Ligori, bashkëpunëtor për Strategjinë e Mundësive Globale në Oaktree
Delphine Nannan, Zëvendës Presidente e Lartë për zyrën e Oaktree në Luksemburg
Fausto Zanetton, CEO i Tifosy Capital & Advisory
Bordi i ri bashkon ekspertizën nga Italia dhe Evropa, duke përfshirë ekipin e Oaktree që ka punuar me Klubin që nga viti 2021. Anëtarët e rinj të Bordit të Drejtorëve do të ofrojnë përvojë dhe ekspertizë thelbësore për të arritur objektivat afatgjata të Kompanisë dhe për të siguruar prosperitet, rritje dhe sukses të Interit”.
Discussion about this post