Ish-kapiteni i Juventusit, Leonardo Bonucci ka zyrtarizuar transferimin te skuadra turke Fenerbahce, duke iu bashkuar në një marrëveshje gjashtë mujore.
Qendërmbrojtësi veteran 37-vjeçar anuloi kontratën me skuadrën e Bundesligës, Union Berlin, në mënyrë që të kalonte në Turqi si agjent i lirë. Lëvizja u konfirmua nga klubi me një sërë postimesh në llogarinë e tyre në rrjetet sociale dhe një video që tregon transferimin.
“Sigurisht që erdha te Union Berlin verën e kaluar me ide të ndryshme. Pavarësisht pengesave sportive, ishte një kohë e jashtëzakonshme për mua. Unioni është vërtet një klub i veçantë. Dëshiroj të falënderoj të gjithë anëtarët e Unionit dhe t’u uroj atyre vetëm më të mirat për të ardhmen”, tha italiani.
Mbrojtësi ka qenë pjesë e Juventusit për 12 vite në dy periudha të ndryshme dhe pritet të përfitojë 1.3 milionë euro në Turqi.
Discussion about this post