Trajneri i Portugalisë Fernando Santos u shkarkua pas Kampionatit Botëror të futbollit. Të shumtë ishin emrat që u lakuan si zëvendësues, por drejtuesit e Federatës luzitane kanë vendosur ti japin fund zërave. Ata kanë prezantuar trajnerin e ri: Roberto Martinez.
Ish-tekniku i Belgjikës është zyrtarisht drejtues tashmë, me spanjollin që ka firmosur një kontratë deri në vitin 2026.
Martinez u largua nga stoli i Belgjikës pas një Botërori të dështuar ku nuk arriti as të kalonte fazën e grupeve. Çështja e parë që Martinez do të përballet është çështja Ronaldo, a do të ftojë trajneri i ri yllin portugez i cili së fundmi vendosi të largohet nga Evropa për tu transferuar në Arabinë Saudite te klubi i Al Nassr.
Discussion about this post