Dy shokët e të riut 21- vjeçar Aldi Ramës, që dje vrau efektivin Saimir Hoxha në Lezhë dhe më pas u vetëvra, kanë rënë sot në pranga nga policia. Në pranga kanë rënë Kristian Sherri dhe Armando Marku, të cilët tashmë janë arrestuar nga Policia e Lezhës, nën akuzën e përkrahjes së autorit të krimit. Në dëshminë e tyre para grupeve hetimore ata kanë pretenduar se në zonë kishin shkuar për të pirë cigare me hashash, dhe nuk kishin lidhje as me parcelën e mbjellë dhe as me ndonjë krim tjetër. Ata akuzohen tashmë se kanë qenë në dijeni të armës që mbante me vete Rama, dhe nuk e kanë denoncuar këtë fakt.
I riu Aldi Rama ndërroi jetë mëngjesin e kësaj të mërkure në spitalin e Traumës 21-vjeçari Aldi Hoxha, autori i vrasjes së efektivit të Lezhës, Saimir Hoxhës. I riu ishte i shtruar që nga pasditja e djeshme në spitalin e Traumës pasi u gjet nga forcat e policisë me plagë në kokë, duke qenë se tentoi vetëvrasjen. Menjëherë pas lokalizimit dhe gjetjes së tij, 21-vjeçari u nis drejt spitalit të Traumës në Tiranë, ku qëndroi në intubim, por si pasojë e plagëve te marra nuk mundi të mbijetonte.
Mjekët nuk mundën të ndërhynë për t’i shpëtuar jetën pasi parametrat e tij jetike ishin shumë të ulëta. Për shkak të plumbit që ka marrë në kokë, pjesa më e madhe e trurit i kishte dalë jashtë funksionit.
